Hverra hagsmuni er verið að verja?

Ég heyrði það eftir áreiðanlegum aðila, vélstjóra, að frásagnir af þessu séu vægast sagt yfirhylming.

Fljótlega hafi komið í ljós þegar verið var að sigla skipinu heim frá skipasmíðastöðinní í Chile að vélin var alls ekki í lagi.

Hún hafi hreinlega rifið sig lausa af festingunum og nánast verið komin á hliðina inni í vélarrúminu.

Skipið hefur bara siglt á annarri vélinni frá upphafi.

Í allri umfjöllun fjölmiðla hefur þetta verið kallað titringur sem er yfir þeim mörkum sem vélarframleiðandinn setur sér sjálfur.

Því spyr maður: Hverra hagsmuna er verið að gæta í fréttum af þessu? og Hvers vegna er ekki bara sagt satt? Er það orðinn svo viðtekin venja í þessu samfélagi sem við búum í að segja aldrei sannleikann heldur reyna alltaf að hylma yfir allt, að meira að segja í þessu tilfelli segja menn bara sjálfkrafa ósatt?

 

Viðgerð á Þór kostar milljarð