Wizzair er eins og hvert annað

Ég hef flogið með þeim til Luton og það var bara alveg nákvæmlega eins og að fljúga með Wow. Nákvæmlega eins vél, nákvæmlega eins sæti, nákvæmlega jafn þröngt og óþægilegt og nákvæmlega jafn ódýrt, næstum því.

Mundu bara að borga fyrir PRIORITY (kostar líklega ca. 5 Evrur) því annars henda þeir handfarangrinum þínum í lestina.

Já, og í Luton er bara fínn flugvöllur.

Ef þú vilt örlítið meiri þægindi, skoðaðu þá Easyjet, og öll hin 23 flugfélögin sem fljúga til Íslands.

Ef maður vill flugleiðastandard þá er það auðvitað Icelandair sem ber af en þá borgar maður líka oftast aðeins meira.

Góða ferð.

Wizz air á hverjum degi til London

Athugasemdir

[Valdimar Samúelsson, 3.4.2019 kl. 11:14]

Baldvin. Auðvita eru flugvélar eins í augum farþega sérstaklega þegar gengið er eftir rana og beint inn í flugvél en þetta lítur öðru vísi út fyrir flug og tæknimenn en þeir vita þegar kreppir að hjá flugfélögum. 

Það sést fyrst í viðhaldinu þegar tæknimenn fá ekki varahluti sem þarf og segja flugmönnum frá því þá byrja þeir að láta ýmis atriði sem ekki beint stafar hætta að flakka og skrifa ekki í bækur heldur segja tæknimönnum sem nótera það niður í sýnar bækur já einskonar tvöfalt viðhalds bókhald.

Svona getur þetta gengið í eitt til tvö ár en þá er streita og stressið farið að segja til sín og jafnvel flugfreyjur ornar þreyttar að biðja flugvirkja að gera við það sem að þeim snýr.

Skuldir á eldsneyti og flugvallargjöldum hafa áhrif á flugmenn sem vita þegar þeir lenda á erlendri grundu að þeir geta verið stoppaðir af svo stressið er komin að hámarki.

Já allt í hershöndum skuldadagar komnir, rekstrarleyfið tekið og allir sem vit hafa andvarpa já andvarpa fegnir að allt endaði án stórslysa þar sem mörg mannslíf hefðu geta farið á einni svipstundu.       

[Aztec, 3.4.2019 kl. 17:58]

Já, ég hefði frekar viljað að í staðinn fyrir Luton þá væri flug til Stansted enda fleiri ágfangastaðir þaðan með Ryan Air. En Luton er betra en ekkert. Og ánægjulegt að sjá að frá Luton kemst maður til Tel Aviv með El Al.

En samkvæmt upplýsingum þá kostar flug með Wizz Air til og frá London tvöfalt meira en með WOW Air.