Hefur þetta verið vandamál?

Það er grundvallarspurning áður en íþyngjandi reglur eru settar, hvort raunverulegt vandamál sé til staðar.

Hefur sjóíþróttaiðkun á svæðinu verið varpi fugla til trafala?

Sjálfur hef ég siglt þarna um á skútum í tugi ára kannski aðeins utar en svæðið sem fjallað er um en ég get ekki ímyndað mér að þetta hafi áhrif.

Grásleppunetin gætu hins vegar gert það og það ætti að athuga hvað netalagnir við Gróttu drepa mikið af fugli.

Óhressir með bann við sjóíþróttaiðkun

Athugasemdir

[Vagn (IP-tala skráð) 16.5.2020 kl. 16:50]

Það er vissulega gilt sjónarmið að ekki eigi að setja reglur fyrr en eitthvað sé orðið að vandamáli. Aðrir vilja setja reglur áður en eitthvað verður að vandamáli, koma í veg fyrir að vandamál skapist, og kalla það fyrirhyggju.

En það er engin grundvallarspurning hvort raunverulegt vandamál sé til staðar. Þá mundum við skipta um bremsuklossa þegar bíllinn hættir að bremsa og hjólbarða þegar ekkert grip væri eftir. Sigla út í góðu veðri þó veðurspá sé slæm. Og hlaupa úr brennandi húsi til að kaupa slökkvitæki.

[Grímur (IP-tala skráð) 16.5.2020 kl. 20:03]

Ég fer oft um þetta svæði og mitt mat er að þessar reglur séu óþarflega stífar

ef reglurnar eru of stífar þá brýtur fólk þær viljandi í stað þess að sýna tillit

sem allir sem ég þekki vilja gera

[Baldvin Björgvinsson, 17.5.2020 kl. 20:30]

Það hefur ekkert með fyrirhyggju að gera að setja lög eða reglur um eitthvað sem þarf ekki lög eða reglur um. Stundum er vandamálið ímyndun ein og alls ekki til staðar.