Veiðimenn verða að sýna aðgætni

Það eiga allir veiðimenn að vita að það er ekki góð hugmynd að binda dauðan tarf yfir húddið á jeppanum og koma þannig akandi inn í byggð.

Það sama gildir um forsíðumynd á mbl.is.

Margir munu bregðast illa við og sýnin mun fara illa í marga.

Það er þó ekki ástæða fyrir fólk til að hrauna einhverjum leiðindum yfir veiðimenn og konur.

Almenna kurteisi er allt í lagi að ástunda á báða bóga.

„Hraunað yfir mig alveg hægri vinstri“

Athugasemdir

[Kristinn (IP-tala skráð) 20.7.2021 kl. 05:01]

Veiðimenn verða fyrst og fremst að sýna aðgætni við meðferð skotvopna og að bráðin sé felld á skilvirkan hátt.

Það er líka ágætt að menn kunni að verka og nýta það sem til fellur. Skotveiðar og eldamennska fara saman og hreindýrakjöt dýrindis matur.

það er engin ástæða til að taka sérstakt tillit til þeirra sem eru orðnir svo ótengdir náttúrunni að þeir geti ekki séð hvernig náttúran gengur fyrir sig. Maðurinn er kjötæta og hefur veitt sér til matar frá upphafi alda. 

[Dýri (IP-tala skráð) 20.7.2021 kl. 07:18]

Það eru margir að verða komnir með upp í kok á veiðiskap í landinu eftir að háskólaliðið fór að skipuleggja hann og gera að féþúfu. Hreindýrsbeljur eru skotnar frá kálfum innan um almenning um hásumar. Ófleygir gæsaungar eru fretaðir niður í þúsundatali til þess eins að skera úr þeim bringuna, hamirnir skildir eftir eins og hráviði út um allar koppa grundir.

Græjurnar sem þetta skotveiðilið notar til að ná í bráðina hlaupa oft á  mörgum milljónum því það telur sig svo tímabundið og nauðsynlegt annarsstaðar, dýrkeyptur utanvega akstur á jeppum og sexhjólum því ekki nennir það að ganga. Á venjulegt fólk yrði sérsveitin send í þyrlu til að ná lögbrjótunum ef því dytti í hug að ganga um landið á álíka máta. En utanvegaakstur er sjálfsagður ef á að drepa saklaust dýr með leyfi latínufélagsins.

Ef þetta lið er svona svakalega náttúrutengt og veit svo vel hvenær offjölgun er í stofninum af hverju selur það þá ekki veiðileyfi á hvert annað, af nógu er að taka. Það getur meir að segja skipt svæðunum eftir númerun eins og blessuð hjónin stolt á myndinni við hreindýrbeljushræjið og skilgreint þekkingu sína á Austurlandi eftir númeruðum svæðum eins og kemur fram í upphaflega montstatusnum á forsíðu Morgunnblaðsins.