Hver borgar launin þín Gylfi?

Ert þú Gylfi að vinna fyrir þá sem borga þér launin?

Er þetta helsta baráttumál ASÍ nú rétt fyrir 1. maí?

Stjórnar LÍÚ þér orðið eins og svo mörgum öðrum?

Strandveiðum verði hætt

Athugasemdir

[Gunnlaugur Ingvarsson (IP-tala skráð) 28.4.2012 kl. 12:07]

Fyrir utan að halda völdum og skammta sjálfum sér há laun og og sporslur þá hefur ASÍ Elítan aðeins tvö stefnumál:

Það er að:

Troða þjóðinni inn í ESB og svo að viðhalda óbreyttu fiskveiðistjórnunarkerfi fyrir útgerðarauðvaldið.

Samt vill svo til að í báðum þessum málum er mikill meirihluti þjóðarinnar eða um 2/3 hlutar hennar á allt annarri skoðun en ASÍ Elítan.

Það er að þjóðin vill alls ekki gang í ESB og vill auk þess innköllun fisk veiðiheimilda og fyrningarleið eins og var lofað.

[sigkja (IP-tala skráð) 28.4.2012 kl. 12:24]

Hobbísjómenn borga ekkert til ASÍ. En sjómennirnir sem nú fá færri fiska og minni tekjur borga til ASÍ. Strandveiðarnar hafa skilað lakara hráefni til vinnslu og þannig gefið landsmönnum öllum minni gjaldeyristekjur. Stopular veiðar og mikil landfræðileg dreifing á því sem veitt er hefur einnig gert þennan afla óhagkvæman til vinnslu.

Strandveiðarnar eru pólitískt sjónarspil gert til að blekkja fáfróða og safna atkvæðum heimskingja. Það er ekkert sem réttlætir þá óhagkvæmni og eyðileggingu á verðmætum sem strandveiðarnar eru.

[Valur Björn (IP-tala skráð) 28.4.2012 kl. 12:41]

Sammála Gylfa,þetta strandveiðikerfi er bara bull og ætti að leggja það af í núverandi mynd.Hitt er annað mál að það mætti útfæra gamla dagakerfið upp á nýtt.

[assa (IP-tala skráð) 28.4.2012 kl. 13:31]

Ætla ekki að draga dóm á hvað sé "rétta" kerfið hér hjá okkur. En í fyrsta lagi þá vil ég leyfa mér að draga í efa að strandveiðar skili lakara hráefni en aðrar veiðar. Það er þá í fyrsta sinn í sögunni ef svo er. Í öðru lagi þá á þessi maður bara ekki að vera hugsa nokkurn hlut um þetta, hann ætti að fara vinna vinnuna sína þessi maður, þó ekki væri nema einu sinni á sínum starfsvettvangi!

[Ásthildur Cesil Þórðardóttir, 28.4.2012 kl. 13:37]

Sammála síðuhöfundi.

Assa það er alveg hárrétt hjá þér að strandveiðin gefur betri fisk en til dæmis netaveiðar. 

Gylfi ætti að pakka saman og láta sig hverfa ...............til Brussel

[sigkja (IP-tala skráð) 28.4.2012 kl. 14:11]

Í einni skýrslu Matís er afli strandveiðiflotans 2011 tekinn fyrir. Þar má til dæmis sjá ummæli eins og; Niðurstöður úttektarinnar sýna að strandveiðifiskur er misjafn að gæðum. Strandveiðibátar stunda sína veiðar yfir heitasta árstímann þegar fiskur er í slæmu ástandi af náttúrulegum ástæðum, þeir halda sig gjarnan nærri landi þar sem fiskur er smár, meira er um orm og liturinn á roðinu er dekkri (þaraþyrsklingur); þeir landa jafnan óslægðum afla og stærðardreifing er mikil. Aðgengi að ís er takmarkað í sumum höfnum, slægingarþjónusta er almennt ekki lengur fyrir hendi og flutningur á óslægðum afla milli landshluta á þessum árstíma getur farið illa með hráefnið ef aflameðferð hefur ekki verið fullnægjandi. Það er því ýmsum vandkvæðum bundið fyrir strandveiðiflotann að tryggja gæði aflans.

http://www.matis.is/media/matis/utgafa/26-11-Gaedi-strandveidiafla-2011.pdf

[Ásthildur Cesil Þórðardóttir, 28.4.2012 kl. 14:16]

OG??? aðrir veiða ekki á þessum sama tíma?  Ég hef séð netabáta veiða svo að segja upp í landsteinum í byrjun ágúst.  Meðan ég sé strandveiðibátana á veiðum um allt´Djúpið.  Þetta stenst því ekki og er fullyrðin út í loftið. 

Þessir bátar eru líka í styttri túrum og gert er að fiskinum um leið og hann kemur í land. Það getur vel verið að það sé meira að ormi í fiskum nær landi, en issuið er að það er ormur í öllum fiski bæði af togurum og minni bátum. 

[Árni R, 28.4.2012 kl. 14:45]

Ásthildur hve margir netabátar eru eftir við landið? Dettur þér í hug einhver orsök vegna þess

[Ásthildur Cesil Þórðardóttir, 28.4.2012 kl. 15:46]

Það á sér sennilega margar ástæður Árni.  Enda afar óvistvænar veiðar.  En að það stafi allt af því að nokkrir aðilar fái úthlutuðum strandveiðikvóta er helst til ofsagt að mínu mati.  Enda er með þann fisk líkt og aðra veiði að þeir fara í frystihúsin og eru unnir þar af fólkinu í plássunum, eru sem sagt atvinnuskapandi fyrir fólkið í þorpum landsins. 

[assa (IP-tala skráð) 28.4.2012 kl. 17:07]

sigkja.Þú hefur sem sagt þitt vit á aflagæðum úr þessari skýrslu frá Matís. Ekki ætla ég að rengja þessa niðurstöðu þeirra en á hverju er hún byggð, hvaða rannsóknir liggja að baki og hver vinnur þetta? Síðast en ekki síst, er verið á einhvern hátt að bera saman smábátaafla og afla annarra báta? Mér leikur forvitni á að vita meira því ég hef nú lifað í rúmlega hálfa öld, og aldrei hef ég nokkurn mann hitt eða heyrt sem hefur haldið því fram að afli smábáta væri verri að gæðum en annarra báta. Þvert á móti hef ég alltaf heyrt hið gagnstæða.

[sigkja (IP-tala skráð) 28.4.2012 kl. 19:36]

assa, þú getur lesið skýrsluna ef þú hefur áhuga; http://www.matis.is/media/matis/utgafa/26-11-Gaedi-strandveidiafla-2011.pdf

En það sem þú kallar smábáta og eru að skila mjög góðu hráefni eru ekki þeir bátar sem eru að stunda strandveiðarnar. Strandveiðibátar eru minni og hafa ekki aðstöðu til að ísa, slægja og hreinsa fiskinn. Smábátar, eins og þú talar um, hafa margir hverjir pláss fyrir 10 til 15 fiskikör en 2 kör þykja gott á strandveiðibát. Auk þess sem þeir sem strandveiðarnar stunda kunna margir hverjir ekki að meðhöndla fisk.

Þegar talað er um gæði fisks eru margir fastir í gamla tímanum þegar fiskurinn var nógu góður í útlendingana ef fiskvinnslufólkið kastaði ekki upp við vinnsluna. Í dag getur fiskur litið vel út en gerlamagn gert hann óhæfan til manneldis, rétt eins og kjöt og annan mat. Í dag er aðalatriðið að framleiða hágæða vöru á besta verði.

Við viljum stæra okkur af besta fisk í heimi en tökum vinnu frá atvinnumönnum til að senda áhugamenn á vanbúnum bátum í að veiða minnsta fiskinn, fisk sem mælist gerlameiri, ormar fleiri og litarhaft ljótara. Og þetta gerum við á þeim tíma sem fiskurinn er léttastur og fljótastur að skemmast. 

[Magnús Gunnarsson, 28.4.2012 kl. 21:12]

Ásthildur kynntu þér hvernig netaveiðar eru stundaðar í dag og hvernig hráefni kemur að landi af þeim.

[Ásthildur Cesil Þórðardóttir, 28.4.2012 kl. 21:37]

Já ég skal skoða það ekki málið.