Óþolandi óréttlæti

Enn er það svo að bæði ég og konan verðum að kjósa það sama, saman, til að okkar atkvæði vegi til jafns við eitt atkvæði í norðvestur kjördæmi.

Það er fyrir löngu orðið nauðsinlegt réttlætismál að hvert atkvæði sé jafn mikils virði hvar á landi sem það er.

En ég held að það sé löngu orðið ljóst að það gerist ekki meðan ekkert breytist í íslenskum stjórnmálum.

Fær Kraginn þrettánda þingsætið?

Athugasemdir

[Sveitamaður (IP-tala skráð) 6.4.2009 kl. 16:27]

Sæll vinur.

Hvernig er þetta í ameríku?  Mig minnir að það sé ekki einn einasti þingmaður þar á þingi sem kemur úr höfuðborg þeirra.  Hvaða sjónarmið liggja þar að baki?  Sem betur fer höfum við ekki gengið svo langt hér á landi.  Ég tel afskaplega mikilvægt að nægilegt þinglið komi af SV horninu og alls ekki megi halla neitt á þeirra mál.

Ég yrði ekki hissa reyndar þótt flestir þarna í NV væru tilbúnir að láta þér eftir alla þingmennina ef í staðinn væru vegir sambærilegir þar og annars staðar, afhendingaröryggi rafmagns sömuleiðis og tryggt jafnrétti (aðstöðu) til náms.

[Baldvin Björgvinsson, 7.4.2009 kl. 10:32]

Ég er sjálfur ættaður úr þessu kjördæmi og ber vissulega hlýhug til þeirra sem þar búa. Faðir minn var frá Hólmavík. Jafnrétti til náms og vegbætur hafa ekkert með fjölda þingmanna að gera. Það er spurning um hvernig þeir standa sig sem þið kjósið til starfsins.

Það er grundvallarspurning um réttlæti að hvert athvæði sé jafn mikils virði.

Þú myndir ekki sætta þig við að þitt atkvæði gilti til hálfs við mitt.