Áróðurinn gegn stjórnaskrárbreytingum heldur áfram

Það var vitað frá upphafi að hagsmunaaðilar, sérstaklega þeir sem hafa hönd á auðlindum Íslands myndu gera allt sem hægt er til að spilla fyrir og tefja stjórnarskrárbreytingar.

Það sem margir virðast hins vegar ekki átta sig á að það er verið að tala um að skipta um stjórnarskrá í heilu lagi, ekki breyta þeirri meingölluðu stjórnarskrá sem nú er í notkun í óþökk Íslenzku þjóðarinnar.

Það er ekki það sama að breyta stjórnarskrá og að skipta um stjórnarskrá.

Hver fullvalda lýðræðisþjóð getur gert og sett sér þau lög er hún vill með einfaldri meirihlutaákvörðun.

Þeir sem eru á móti geta auðvitað vælt og skælt og reynt að snúa út úr en staðreyndin er samt þessi.

Og það eru bara 13% þjóðarinnar sem vilja sjá Stjórnarskrá Lýðveldisins Íslands óbreytta.

Látum þá staðreind aðeins síga inn í hausinn.

Ósvífinn áróður um stjórnarskrármál

Athugasemdir

[Birgir Gudjonsson (IP-tala skráð) 15.7.2021 kl. 10:37]

Eru það ekki akkúrat svona skrif sem hún er að tala um ?

[Vagn (IP-tala skráð) 15.7.2021 kl. 12:25]

Það var vitað frá upphafi að hagsmunaaðilar, sérstaklega þeir sem hafa hug á inngöngu í ESB, myndu gera allt sem hægt er til að koma í gegn  stjórnarskrárbreytingum stjórnarskrárnefndar Jóhönnu eftir Þorvald Gylfason. Segja svo þeir sem eru ósáttir við mikla lækkun þröskulda í afsali fullveldis í þeim tillögum.

Hagsmunaaðilar eru margskonar og ýmist fylgjandi eða mótfallnir þeim breytingum sem snerta þeirra hagsmuni. Sumum er jafnvel sama um auðlindir og ESB en halda að aðskilnaður ríkis og kirkju fríi ríkið á einhvern hátt frá greiðslum til trúfélaga. Aðrir telja stjórnarskrána komna frá Dönum og að það sé ótækt og því verði að breyta, ekkert gott komi frá Dönum.

Þó 87% vilji sjá breytingu er ekki sjálfgefið að meirihluti fáist fyrir hverri einstakri breytingu. Þeir sem vilja auðlindaákvæði eru ekki endilega samþykkir því að gera inngöngu í ESB auðveldari. Og þeir sem vilja aðskilnað ríkis og kirkju eru ekkert endilega samþykkir því að ekki megi mismuna fólki og neita barnaperrum að vinna með börnum eða 10 ára að fá bílpróf. Og svo koma ákvæði um völd Alþingis, ráðherra, Forseta og þjóðaratkvæðagreiðslur sem fáir skilja og endalaust er hægt að rífast um. Minnihlutinn vill meiri völd og þvingunaraðferðir meðan meirihlutinn telur sig þurfa að geta komið málum í gegn án blessunar og samþykkis minnihlutans.

[Guðmundur Ásgeirsson, 15.7.2021 kl. 15:09]

"Það er ekki það sama að breyta stjórnarskrá og að skipta um stjórnarskrá."

Einmitt, vegna þess að fyrir því síðarnefnda er engin heimild. Breytingar á stjórnarskrá er eingöngu heimilt að gera í samræmi við breytingarákvæði gildandi stjórnarskrár.

Það er ekki að ástæðulausu sem þingmenn eru eiðsvarnir við stjórnarskránna.