Ýmis kostnaður

Að byggja brú yfir Fossvog fylgir Ýmis kostnaður. Til dæmis sá að flytja Siglingafélagið Ými út fyrir brúna.

Það þarf líka að flytja Siglingafélag Reykjavíkur, Brokey út fyrir brúna.

Það þarf líka að huga að Siglingaklúbbnum Siglunesi í Nauthólsvík.

Og það þarf að gera ráð fyrir því að allar svona íslenskar framkvæmdir kosta meira en reiknað var með í upphafi.

Það mætti líka staðsetja hjóla-, og göngubrúna rétt innan við Sigingaklúbbana, sem er miklu betri staðsetning að öllu leiti, og þar með er málið leyst og allir verða ánægðir.

Ekki allir sáttir við Fossvogsbrúna

Aumt er ástandið í sál þess sem svona gerir

Þarna stendur minnisvarði um erfiðan atburð þar sem 15 menn enduðu líf sitt og margar barnmargar fjölskyldur stóðu eftir föðurlausar og fyrirvinnulausar.

Síðustu orð Haraldar Einarssonar við bróðir sinn Steingrím voru: "Farð þú á  undan Steini, þú átt konu og barn." Þetta barn var nýfætt og hlaut nafnið Haraldur Steingrímsson. Haraldur Einarsson gaf þarna Steina bróður sínum líf sitt okkur sem síðar varð að stórum hópi afkomenda Steingríms og Þuríðar Ágústu.

Ég mælist til þess að viðkomandi einstaklingur, ef hann les þetta, skili því sem hann tók og það verði ekki meiri eftirmálar þessu vanhugsaða óhæfuverki.

Baldvin sonur Björgvins og Ingibjargar, dóttur Steingríms og Þuríðar Ágústu.

Jóni forseta stolið

Er ekki í lagi með ykkur á mbl.is ?

Er það frétt að fréttamaður fái borgað fyrir vinnuna sína?

Í alvöru?

Merkilegasta fréttaskýringaþátt íslandssögunnar?

Í alvöru, er þetta frétt?

Fær 1,5 milljónir fyrir þáttinn

Fimmárabekkur

Sem kennara þætti mér athyglisvert að sjá vísindalegu forsendurnar fyrir þessari hugmynd.

Skoða stofnun fimm ára bekkjar

Fýlan þarna uppfrá.

Var þetta kannski ekki bensínlykt heldur brennisteinsvetnið sem berst frá Hellisheiðarvirkjun?

Það er amk. eðlilegt að spyrja sig að því.

Voru ekki veðuraðstæður þannig?

Ráðgáta kvelur íbúa

Þing eiga ekki að koma að stjórnarskrárgerð

Ljóst virðist að nýja stjórnarskráin kemst aldrei í gegnum spillt Alþingi.

Það er í raun fáránleg hugmynd að Alþingi komi að gerð stjórnarskrár. Stjórnarskráin er einmitt leikreglur sem þjóðin á að búa til fyrir þingið. Algjörlega án allrar aðkomu þingsins. Þing á alls ekkert að hafa um gerð stjórnarskrár að segja.

Dögun hvetur til að hafin verði söfnun undirskrifta meðal kosningabærra Íslendinga. Þegar meirihluti hefur undirritað samþykki sitt er ný sjórnarskrá samþykkt af þjóðinni og núverandi í raun úr gildi fallin.

Það er eina siðferðislega rétta leiðin.

„Vinnan komin í algerar ógöngur“

Milljarður úr vasa Kópavogsbúa

Það er svo sem ekki mikið um það að segja ef einhverjir vilja byggja á Kársnensinu. Íbúasamtökin þar munu vonandi hafa þau áhrif sem þarf í því máli.

Brúin, yfir til Reykjavíkur, sem alltaf er verið að tala um er hins vegar hið furðulegasta mál í þessu samhengi. Pólítíkusum í Kópavogi þykir mörgum alveg sjálfsagt að taka allt að milljarð, eða meira, úr sameignlegum sjóði sveitarfélagsins, til að byggja illa staðsetta og tilgangslausa brú yfir Fossvoginn.

Í fyrsta lagi þá hefur brúin engan annan tilgang en að hækka fasteignaverð yst á Kársnesinu.

í öðru lagi þá styttir hún ekki leiðina fyrir flesta yfir fjörðinn, heldur lengir hana.

í þriðja lagi þá lokar brúin fyrir siglingar inn og út af Fossvogi.

í Fjórða lagi þá er það ekki hlutverk sveitarfélags að framkvæma þetta verk.

Í Fimmta lagi þá stendur Kópavogsbær bara frekar illa fjárhagslega.

Í Sjötta lagi þá hefur Kópavogsbær nóg annað við peningana að gera.

Í sjöunda lagi þá vitum við að um leið og búið verður að samþykkja göngubrú þarna þá verður henni breytt í bílabrú, sem verður enn dýrara... allt á kostnað kópavogsbúa.

Undirbúa byggingu 900 íbúða

Þetta er allt að koma

Það er verið að bæta hleðslustöðvum við fjær höfuðborginni. Búið er að gera samkomulag við aðila um að koma þeim upp. Bara anda aðeins rólega. Þetta er allt að koma á næstu mánuðum.

Þrándur í Götu rafbíla

Það er ekki eftir neinu að bíða

Það hefur verið stundað árum saman að skoða alla flugfarþega í bak og fyrir. Taka af þeim naglaklippur og vatnsflöskur og nú erum við skönnuð og skoðuð upp í rassgat áður en við förum um borð.

Staðreyndin er hins vegar sú að venjulegur heiðarlegur borgari hefur aldrei verið hættulegur og það er engin ástæða til að grandskoða hann eins og gert er.

Staðreyndin er að ef einhver vill granda flugvél þá er það bara mjög lítið mál. Það er miklu nær að skoða starfsmenn flugvalla og starfsmenn í flugvélum, þmt. flugmenn.

Það er ekki eftir neinu að bíða í þessu tilfelli að birta sannleikann og koma málunum í lag áður en meira tjón hlýst af.

Hins vegar væri ég ekki hissa ef eitthvað fleira kæmi í ljós í þessu máli.

Hissa á framgöngu saksóknarans

Sannleikurinn um "skattaskjólin".

Menn halda kannski að þetta séu fyrstu gögnin sem skattrannsóknarstjóri fær. Sannleikurinn er að það er ekkert nýtt að gögn berist milli landa sem skatturinn getur nýtt sér.

Skattrannsóknarstjóraembætti okkar helstu viðskiptaþjóða hafa her manns í vinnu við skattrannsóknir og ekki veitir af. Samvinna þessara embætta, milli ríkja, er mikil.

Ef einhver heldur að hægt sé að fela fjármuni í skattaskjólum af öryggi þá er það algjör firra. Þegar gögn koma fram í hjá einum skattrannsóknarstjóra um einhvern í öðru ríki þá eru þær upplýsingar látnar ganga áfram.

Samvinna Norðurlandanna, Englands og auðvitað Evrópulandanna, USA og Kanada er gífurlega mikil á þessu sviði.

Hitt er að nú er staðan þannig að mjög auðvelt er að taka rafræn afrit af upplýsingum um eigendur bankareikninga í skattaskjólum. Og skattrannsóknarembættin kaupa þessi gögn fyrir stórfé og veita viðkomandi seljanda fullkomna vitnavernd.

Það gefur því augaleið að það er bara tímaspursmál hvenær einhver afritar og selur gögnin í hvaða banka sem er.

Skattaskjólin eru því í raun hluti af fortíðinni og ekkert annað að gera en að gera grein fyrir þeim fjármunum sem liggja hingað og þangað á földum reikningum áður en einhver annar gerir það.

 

Leynigögn komin til skattrannsóknarstjóra